《一支公飲食地圖：慈雲山小食館》
睇咗慈雲山建設力量嘅post先知道，原來尋日已經喺小食館最後營業一日。
佬編唔喺慈雲山人，小食館只食過幾次。小食館俾佬編嘅感覺，喺好似一間美沙酮診所。因為定時定候，慈雲山街坊就會去報到。
老實講小食館唔喺賣咩美食，只不過喺普通小食，但佢地有心機，同樣喺魚蛋腸仔，幫你炸起佢，仲可以揀炸幾多分；碗仔翅、飲品又可以俾你東溝西溝，細路最鐘意溝嘢的。有唔少街坊，就喺為咗個浸出面搵唔到嘅味，成日返嚟幫襯。
出面搵唔到嘅，當然仲有濃厚人情味啦。從窮學生恩物到成年人童年回憶，小食館從未缺席。佬編仲聽過小食館嘅阿姐同一個由細食到大嘅熟客上埋契，好誇張。不過呢一切，都將成歷史了。
更多一支公獨食好去處：http://bit.ly/1YfeE1A
Search